كتب الشاعر/ حمادة الراوي &ذكريات &

ذكريات

لسه باقي من اللي فات
صوت حزين مليان اهات
لسه باقي ذكريات
لسه فاكر عمر ضاع
لسه فاكر سنين ضياع
وان حبك كان خداع
لسه فاكر سنين وعود
واه من الزمان اه لو يعود
كنت هرسملك حدود
لسه باقي من اللي فات
حلم كان جوايا مات
قتلو فيه كل الحاجات
لسه باقي ذكريات
لسه باقي ع الجدار
صورة بتغني بمرار
لسه سامع طبل زار
لسه جرحك ليه اثار
لسه بنتقد القرار
لسه باقي من اللي فات
انغام جرحي اللي منك
بتعزفه كل الألات
لسه صوت الجرح منك
بسمعه في صوت الغارات
بس اصعب حاجه اني
بفتكر حتي الممات

            حماده الراوي
٢٠١٩/٧/١٤