كتب الشاعر/ صبري رسلان $يوميات زوجة مطحونة $

يوميات  زوجه
مطحوووووونة 
....................
أريد  خلعا 
خلاص  خلاص   ..
صداع  وعشش 
جوا   الراس
 لا  عدش  طبخ 
ومسح  وكنس 
 ولا  عدش  كرشه 
ولحمه  راس
فضلت  أطنش  وأتحجج 
وأقول  ما   عليش 
 لا  جاب  لي  دبدوب 
ولا ورده   ولا  بودره  وش 
 يوماتي  بفتح  شبابيكي 
وهوايا  فريش  ..
بسلامته  ياكل  ويتنح 
ويربي  في  كرش 
 أسيبه  ألأقيه  بيشخر
غرقان   في  الطشت    ..
أحط  أيدي  على  خدي 
وكام  بوز  عالوش 
 شاطر  لي  يأمر  يتلكك
ولا  ميري  في  جيش
أسبوع   وتفضا  التلاجه 
ولا  لقمه  عيش   ..
 نروووح   لماما   نقضيها
 صابره  وبعيش 
 بقيت  ولا  الطقم  الصيني 
مركون   في  النيش 
 لا  فسحه   ولا  حتى  ملاهي
وقته  ما  يكفيش 
 إن  قلت  أخلعه  وأسيبه 
إزاااي  ما  تجيش 
ده  برضه  عشره  وولادك 
وأحسن  لمفيش   
ورجعنا  تاني   للكرشه 
 محشي  وممبار           
 أحسن  لي  أرقع  في  حياتي 
دايبه  وخلاص  ..
 ليقولوا   شوفوا  المجنونه
 ما فيهاش  إحساس 
دي  عايزه  تخلع  من  الدوشه
من  وجع  الراس  ..
يا  حلوة   كان  غيرك  أشطر
عيشي   و   خلاص    ..
بقلم  ..  صبري رسلان