انا عندى كلام كتير
الإعلام الغبى ونتيجة الثانوية العامة
ناس بسيطه ربنا أكرمها فى ولادها وجابوا مجاميع حلوه تدخلهم كليات القمة وكانوا ضمن أوائل الجمهوريه .. حاجه حلوه فرحت قلوبهم وعوضتهم شويه عن ظروفهم الماديه البسيطه والصعبه
الاعلام الاهبل الغبى بدل ما يشاركهم فرحتهم ويركز على النجاح والتفوق وانه ممكن ينتصرعلى الظروف الصعبه طالما فيه جد وإجتهاد
إذ بنا نفاجأ إن كل تركيز الإعلام على إللى عايش مع أهله عيشه تعبانه وإللى مش لاقى ياكل وإللى أهله مش متعلمين أصلا واللى ابوها بواب وفلحت وحاجات تانيه كتير مستحى انى اتكلم فيها
ينفع كده ؟؟ إنتوا بتفرحوهم وللا بتعايروهم وللا بتعّروهم وللا بتشحتوا عليهم وللا بتعملوا إيه
النَاس دى تعبت وبذلت مجهود وربنا أكرمها زى ما فيه ناس تانيه برضه ظروفها الماديه عاليه تعبت وبذلت جهد وبرضه حققت نتيجه هايله ولكل مجتهد نصيب
هى دى القاعده الأساسيه .. تفتكروا إنتوا لما تعملوا طاقة نور على الحاله الإجتماعيه والماديه واالمعيشيه للناس إللى ظروفها صعبه قوى ورغم كده قدروا إنهم يتفوقوا إنتوا كده بتسعدوهم أكتر وللا بتخيروهم بين الشهره والتشهير
عموما قلة الحيله عمرها ماكانت عيب والفقر عمره ما كان عيب وزى ما علمونا أهالينا : ما عيب إلا العيب
وألف مبروك لكل إللى تعب وإجتهد وربنا وفَقه وإللى لم يوفق نقوله : دى مش نهاية المطاف وإتعلم من التجربه وإجتهد فى إللى جاى وأكيد ربنا حايوفقك
يا ريت بتوع الإعلام يتعلموا إعلام صح ويتقوا الله فى شغلهم
ولسه عندى كلام كتير
الإعلام الغبى ونتيجة الثانوية العامة
ناس بسيطه ربنا أكرمها فى ولادها وجابوا مجاميع حلوه تدخلهم كليات القمة وكانوا ضمن أوائل الجمهوريه .. حاجه حلوه فرحت قلوبهم وعوضتهم شويه عن ظروفهم الماديه البسيطه والصعبه
الاعلام الاهبل الغبى بدل ما يشاركهم فرحتهم ويركز على النجاح والتفوق وانه ممكن ينتصرعلى الظروف الصعبه طالما فيه جد وإجتهاد
إذ بنا نفاجأ إن كل تركيز الإعلام على إللى عايش مع أهله عيشه تعبانه وإللى مش لاقى ياكل وإللى أهله مش متعلمين أصلا واللى ابوها بواب وفلحت وحاجات تانيه كتير مستحى انى اتكلم فيها
ينفع كده ؟؟ إنتوا بتفرحوهم وللا بتعايروهم وللا بتعّروهم وللا بتشحتوا عليهم وللا بتعملوا إيه
النَاس دى تعبت وبذلت مجهود وربنا أكرمها زى ما فيه ناس تانيه برضه ظروفها الماديه عاليه تعبت وبذلت جهد وبرضه حققت نتيجه هايله ولكل مجتهد نصيب
هى دى القاعده الأساسيه .. تفتكروا إنتوا لما تعملوا طاقة نور على الحاله الإجتماعيه والماديه واالمعيشيه للناس إللى ظروفها صعبه قوى ورغم كده قدروا إنهم يتفوقوا إنتوا كده بتسعدوهم أكتر وللا بتخيروهم بين الشهره والتشهير
عموما قلة الحيله عمرها ماكانت عيب والفقر عمره ما كان عيب وزى ما علمونا أهالينا : ما عيب إلا العيب
وألف مبروك لكل إللى تعب وإجتهد وربنا وفَقه وإللى لم يوفق نقوله : دى مش نهاية المطاف وإتعلم من التجربه وإجتهد فى إللى جاى وأكيد ربنا حايوفقك
يا ريت بتوع الإعلام يتعلموا إعلام صح ويتقوا الله فى شغلهم
ولسه عندى كلام كتير
ليست هناك تعليقات:
إرسال تعليق