كتب الشاعر/ سليم محمد ¥كرسي في الكلوب ¥

،، كرسي في الكلوب ،،

هضرب كرسي ف الكلوب
وههوش واضرب بالسنجه
قررت انا اكتب ع الحب
وعلاقته بالموز والمنجه
لو جه الموسم ومطرحوش
او يوم مـ اتوعدو ومتقبلوش
وابوحازم جي يقلنا حب
 يتعبنا يجبلنا وجع القلب
الحب ان جه صدفه بيهرب
مهما نحلق فيه ونحوش
الحب دا اصلاً .....حد فشووش
جربته وخدت على دماغى
ولقيته كله حوار لاغى
كان مالي وماله بس يا ناس
بهدلني الحب وجاب داغي
اسهر ....
والناس كلها نايمين
وكتير ....
من فرحي ابقي حزين
واضحك والضحكة ريحتها أنين
ويشوفني الخالي يقول .... مسكين

ويجي الليل القاني خايف
مع نجم هناك  سارح طايف
وبـ غمض عيني لكن شايف
دموعي ... وحزني
إن سابني وغاب
تنعدم الرؤيه وتبقي ضباب
أحلامي تتسرسب تبقى سراب
ومن بعد م كنا زمان احباب
العين ف العين ولكن ... اغراب

مش هـ فضل ارص ف ام عديد
ودي قصة قديمة م فيها جديد
وعدتني نشيخ والايد ف الايد
وسابتني فنص السكة ... وحيد

بقلمي سليم محمد