كتب الشاعر الأسطورة/ طارق السيد #اضحك يا حزين #

إضحك يا حزين
شكل الدنيا دي مابتضحكلك
شكلك واكلك هم مشاكلك
أصلب عودك أصل الدنيا
يا إما تاكلها يا إما هتاكلك
إحلق دقنك ظبط شأنك
سرح شعرك دا إللي منعكش
إضحك قوي علي الضحكاية
على أهيف نكتاية وفرفش
يلا ياعم إضربها طبنجة
دق في طبلة إحزأ في كمنجة
غني غناك يلا وسمعني
على نغمة طز وإيه يعني
يلا إتجدعن وإرسم صورة
ولون فيها بريشة حلمك
وإركب سرج خيالك وإرمح
تبقى بطل في سيناريو لفيلمك
فكرتي وصلت لك ياحزين
ولا تحب أجيب ليموزين
ولا تحب أزحلقهالك
لما أدهنهالك فازلين
بقلم طارق السيد