كتب الشاعر/ محمد يونس ¥ابعتلي جواب ¥

ابعتلى جواب
ابعتلى جواب يا واد عمى
يا اللى دمك من دمى
دة بعدك عنى زاد همى
ابعتلى جواب..ابعتلى جواب
ابعتلى جواب يا واد عمى
كلمة منك تفرحنى
غيابك عنى بيجرحنى
هجرك ليا بيدبحنى
ابعتلى جواب..ابعتلى جواب
ابعتلى جواب يا واد عمى
ابعتلى جواب وطمنى
حبيبى فاتنى وغاب عنى
تعالى.ياكحل العين والننى
ابعتلى جواب..ابعتلى جواب
ابعتلى جواب يا واد عمى
ابعتلى جواب ورسينى
ضاعت ايامى وسنينى
مين غيرك تانى يواسينى
طمنى عليك ياناسينى
ابعتلى جواب..ابعتلى جواب
ابعتلى جواب يا واد عمى
مين هناك واخدك منى
هنا شوك الورد بيالمنى
بقى لونى الاسود والبنى
يا اللى بعادك زاد غمى
ابعتلى جواب..ابعتلى جواب
ابعتلى جواب يا واد عمى
البيت من غيرك بقى عتمة
ليل ونهار خدودى لطمة
وقعت سنانى بقيت هتمة
تفوت المسك علشان عطنة
ابعتلى جواب..ابعتلى جواب
ابعتلى جواب يا واد عمى
من غيرك تايهة وتعبانة
وف عز الحر انا بردانة
يا حزنى عليك يا ولد بهانة
طول الليل انا سهرانة
تعالى دى ارضك عطشانة
ابعتلى جواب..ابعتلى جواب
ابعتلى جواب يا واد عمى
ابعتلى جواب يهدينى
لحنانك خدنى وودينى
من حبك فطرنى وعشينى
وعلى جسر الشوق مشينى
ابعتلى جواب..ابعتلى جواب
ابعتلى جواب يا واد عمى
منك لله يا ظالمنى
اية ذنبى تسيبنى وتهجرنى
محتارة مابين غيطى
وبين جورنى
ابعتلى جواب..ابعتلى جواب
ابعتلى جواب يا واد عمى
نفسى انادى وتسمعنى
شماتة الكل بتوجعنى
اوعى تقول واية يعنى
عايز الناس تقول با عنى
ابعتلى جواب..ابعتلى جواب
ابعتلى جواب يا واد عمى
سالت
قالولى جوابك تاة فى السكة
ولا مافاضيش
قاعد هناك تفتح عكا
حرام عليك
لا بعت مجمد ولا فكة
ابعتلى جواب..ابعتلى جواب
ابعتلى جواب يا واد عمى
ولدك بيسال وخاوتنى
ابوى راح فين وفايتنى
وانا مش بهيمة
عندك ورابطنى
طلقنى وهملنى
يا تبعتلى جواب
بقلمى
محمد يونس