كتب الشاعر/ احمد كامل الشارود #رجاء #

،،،،،،  رجاء  ،،،،،،

اسيت كتير من اشواكك
    يا أبو خد جميل
يارب طول لى بعمره
  وعلى غصنه يميل
إياك ف يوم تزعل منى
    ومن قلبى تشيل
داوى لى قلبى من جوه
       دنا قلبى عليل
جرحتنى وقلبى حُنَين
     عمره ما بيشيل
         ،،،،،،     ،،،،،،

وإن كنت يوم ناوى تبعد
      وتسيبنى أوام
إفتكر لى حاجات حلوه
       وبص    لقدام
هتلاقى فيها حياه حلوه
         وسرور وأنام
ولا يوم أيامنا هيجى فيها
        لا دموع وألام
بدمع عينى تحسيها مش
           عايزه كلام
            ،،،،،        ،،،،،

  دا ياما كنتى تقولى لى
         إعمل معروف
ما تسيبنى ثانيه اعيش وحدى
       وأموت م الخوف
دا بكره أيامنا هتشهد ومن
           قلبى تشوف
أيامها كنت تيجى ليا
         وقلبك ملهوف
 دلوقتى عايزه تسيبينى
      وأرجع مكسوف

بقلم/ أحمد كامل الشارود