كتب الشاعر د.خالد حلمي..&م أنا كنت راضي&

م

أنا كنت راضى بالنصيب
ومصدق ومغمض عيونى
إنتوا اللى فزعتونى
كان لازم يعنى تصحونى
كان لازم تصحوا القلب اللى فـ ضلوعى
كان لازم يعنى توجعونى
ومشيتوا كمان وسبتونى
بقى هى دى المحبة
والعشق اللى ليه
مين فيكوا حب وكمل
مين فيكوا ما شافش العشق
مين فيكوا منامش فـ عينه دموع
على أى أساس بتحبوا
وفـ أخر القصه نقولوا النصيب
والكره يبان والحب يغيب
ولا عمر فـ يوم كان موجود
ده أنا كنت راضى بالنصيب
ومصدق ومغمض عيونى
وإنتوا اللى بإيدكوا قتلتونى
ما كنت نايم
وراضى انا بحالى
ليه بس تصحونى