كتب الشاعر/ علي عفيفي..&حداد في حداد&

حداد في حداد
المرادي طريقة جديدة
غير كل الطرق المعتادة
قولنا نغير شكل الموتة
مش تكرار ع طول وإعادة
حلوة الفكرة ياريت تعجبكم
يارب تنول إعجاب وإشادة
ولسه الجاي أسود بكتير
ويارب ما يقطعلنا عادة
كإن بلدنا مكتوب ليها
تطلع من أحزان لكآبة
ولما تفكر تنصب فرحة
تنقلب الأفراح لجنازة
والشربات ينكب ونعمل
للمعازيم القهوة السادة
والدمعة اللي خلاص نسيناها
وقولناخلاص مبقاش ليها عازة
ترجع تكوي في نن عيوننا
ع اللي شبابهم راح في بلادهم
 وكأن مماتهم أضحى عبادة
حلوة الفكرة بس شديدة
بس سؤال محتاج لإجابة
ليه أبطال القصة يا سيدي
في كل مناسبة الناس الغلابة
بقلمي #علي عفيفي