كتب الشاعر/سعيد عباس الضو..عصافير بتطير..

عصافير بتطير ياسنين العمر
من غير مانحس فلحظه تمر
بتسيب القلب وملياه جرح
قليل م الفرح كتير م المر
العمر دا عامل زى الغيط
حطيت الحبه وقمت رويت
وعند ماتطلع نبته جميله
يطلعلك فيها أبو النوطيط
تلاقى الزرعه قوام تصفر
لو مره تفكر تعمل خير
يتقصقص ريشك زى الطير
وساعات ياعبيط تلبس فالحيط
والخير راح يقلب فجاه بشر
وساعات م الأر يروح الغيط
مايفيض من عمرك غير قراريط
ماهى عامله زى الخيط ب تكر
مستنى يادنيا أشوف أفراح
وتجينى قوام وتقولى سماح
وافرح وأرتاح واخد نفسى
وأشوف من نفسى حاجه تسر
ياسنين العمر شويه ود
الجسم خلاص قرب يتهد
وقربت اتعد من الأموات
إنتى بالذات كترك ب يضر
سعيد عباس الضو