كتب الشاعر/محمد البريمي..عملتلك إيه..

عملتلك إيه ..
 عملتلك إيه يا إللى ف بالى ..عشان تهجرنى و تنسانى  ..

يانارى  منك
 يانارى ..  و من هواك اللى رمانى ..

على بر عيونك رسانى .. و الشوق خدني وودانى ..

قولى أشكي من هجرانك  .. والا أشكى  من حرمانى ..

         عملتلك إيه يللى  ف بالى ..

عملتلك إيه يا حبيبى قولى .. عشان هواك يخدعنى ..

ولا عشان ما حبيتك .. ما إنت يا روحى  اللى شاغلنى ..

كل ما أحاول أبعد عنك .. ألاقى الشوق بيقربنى
..

حاولت كتير مع قلبى .. لكن هو اللى مانعنى ..

         عملتلك إيه يااللى ف بالى ..

عملتلك إيه عشان تجافى .. راح فين عشقك ليا ..

و أنا اللى ف حبك وافى .. و حطك ف نن عنيا ..

ياما كنت تقولى بحبك .. و أنا أقول كفايه عليا ..

ياما كنت أتمنى قربك .. بشوق وود حنيه ..

         عملتلك إيه يااللى ف بالى ..

هات م الآخر و تعالَ  .. مخاصمنى يا روحى ليه ..

ما تيجى الأول  نتعاتب .. و الغلطان الحق عليه ..

و إن كان ليا حق عندك .. أنا يا حبيبى  مسامح فيه ..

كفايه بعاد و شوق فراق .. بعد دا كله فاضل إيه ..

         عملتلك إيه ياا

للى ف بالى..



بقلم الشاعر .. محمد البريمى ..