الشاعرة/ياسمين عبود تكتب (اتفقنا من سنين)

اتفقنا من سنين
يغضل جوانا الحنين
لو بعدت مابينا خطوه
نقرب احنا خطوتين
اتفقنا تكون حبيبي
مش نصيب فوق الجبين
اللي بينا يبقى حب
مش ود وعشره ويومين
اتفقنا تكون صديق
يطبطب على قلبي الحزين
اتفقنا تكون طريق
نوره مالي روح وعين
واني أبقى ليك سكن
روح جميله هدوء ولين
لو تتوه اكون وطن
احتويك لو كنت فين
وابقى مفتاح السعاده
اهديك الدنيا وزياده
يمكنا ايوه حياتنا صعبه
يمكن مره نحس غربه
بس هوانا اكيد متين
البعاد بيزدنا قربه
عمر ما يبقى بينا فرقه
بالكتير اوي ثانيتين
#ياسمين عبود