الشاعرة/سارة دياب تكتب (بلدنا فلسطين )

بلدنا فلسطين

شعر /ساره مرسي دياب

مش هاتكلم عن اللى فات
انا هاوصف شعب نصه مات
هاتكلم عن بلدنا فلسطين
وعن اللى عايشين متعذبين
هاتكلم عن إفطار المسلمين
عن وحده وطنيه عاشت بالسنين
عن جمال قسيس بيحارب بايدين
عن مسلم بيدافع عن مسحيين
عن قدسنا اللى بينزف انين
عن ضماير العرب اللى نايمين
عن شهر رمضان الكريم
و شعب فلسطين العظيم
ومقاومتهم وهما صايمين
ورغم قلتهم مازالوا صامدين
عن سوريا وحلب والشهداء كتير
عن كل شخص مش عاجبه الفطار
غيرك بيفطر فى قلب الدمار
غيرك بيجاهد جوه النار
مش قادره اكمل الحوار
ولا عارفه اوصفهم بالاعصار
اطفال غزه احسن رجال
و نسائهم اللى زى الجبال
وعن اهل فلسطين
اللى عايشين وميتين
شئ مخزى اننا عارفين
ومازلنا كمان ساكتين
وفى اماكنا وقفين
وعاملين مش سامعين

# sara_diab