الشاعر/السيد شوقي يكتب(ضحكة حبيبتي )

ضحكة حبيبتي
لو قولت إنك من السما
نجمة بعيون متبسمة
وساعات تكوني مسهمة
سابحة بخيالك في السما
بعنيكي لمعة حنينة
والشفة تبدأ تمتمة
الله عليكي وع الهيام
مكتوب على جبين القمر
إسمك حبيبتي من دهب
وماشاءالله سبحان من وهب
وفي وسط حبات المطر
ألقى الحروف أخر عجب
طايرة ترفرف بإنسجام
ولو مرة لمعت دمعتك
أوقل ضي في شمعتك
ابدأ حبيبتي بالسكات
أصل السكات قدام عنيكي                  ياحبيبتي أبلغ كلام
دي حبيبتي لما بتبتسم
ضحكة عنيها بتترسم
فوق السحاب
والنسمة لما تمسها
تمشط رموشها ترصها
تطبطب عليها تحسها
الله عليكي و ياسلام
وأكتب في وصفك كام سنة
بقصيدة تبدأ من هنا
وأخرها يوصل للسما
ألقى في وصفك
ياحبيبتي عجز الكلام
حبيبتي إسمك له سما
ناعمة حروفه حنينة
لو جيت ناديتك من هنا
عطرك يهفهف في المكان
وأنا قلبي عاش إنك أنا
من يوم ماجيتي حينا
وصبحت عشقانك أنا
دي عنيكي صافية حنينة
والنظرة لعيونك ياحبيبتي
أجمل وسام
برموش ترفرف من الخجل
وكلامها أحلى من الزجل
لو قلت إنك دنيتي
يبان في عينك الخجل
وتتخطي الكلام
قلم /السيد شوقي السيد