(((((((آخر قرار)))))))
آخر قرار أنا خدته جوا مني
هاعيش لوحدي مش ها أمن غير لربي
الوحدة في عالم جبان صدقني أفضل
هاعيش لوحدى مش هخاف أنا عمري ابدا
وهاكون أكيد .....أنا ....بوحدتي أسعد
ولا عمري يوم هدى سري لحد تاني
مبقاش خلاص عندى أمان كلو آذاني
ويقولو أحكي يا حبيبي سرك فى بير
أنا توبت منهم قلهدة الأصل كتير
والبير بتاعهم في النهاية غرقت فيه
آخر قرار أنا خدته جوا مني
هاعيش لوحدي مش هآمن غير لربي
العيشة في الوحدة ياناس ده شيء جميل
وبلاش تخش في حوارات تخسر كتير
وبلاش تعاتب حد باع وحد خان
علم عليهم وأعرف انت مين الجبان
وأهو درس وبكره تحتاجه آخر الزمان
الأيام دروس والحياة هيا المكان
كبر دماغك وإللي فات إرميه وراك
وعيش لوحدك داوي بس أنت جرحك
أنسي إللي ف يوم ده باعك والا خدعك
إرمي همومك ورا ضهرك زوق ضلك
حب نفسك عيش حياتك أنت لوحدك
آخر قرار جوايا أنا خدته جوا مني
هاعيش لوحدي مش هأمن غير لربي
الوحدة في عالم جبان صدقني أفضل
هاعيش لوحدى مش هخاف أنا عمري ابدا
وهاكون أكيد ....أنا.....بوحدتي أسعد
آخر قرار
الشاعر يسري خليفه
ليست هناك تعليقات:
إرسال تعليق