قصيدة بعنوان ......الصبر
راسم مشاعرى ورق
وسن قلمى حروف
وكل لحظة تعدى
بأحكيها ع المكشوف
لا عندى شيء متخبى
ولا الخيال مكتوف
لو باقى عمر هأعيشه
راضى بأى ظروف
ما أنا ف الحياة بأتعلم
ولسه ياما هشوف
ومهما ما جرحى يعلم
عمرى ما أموت م الخوف
الشمس لما بتمشى
نور القمر بيقيد
والصبر لو ماطايلشى
كانت الهموم هتزيد
بكره الغيام هيشقشق
ويجى فجر جديد
وإللى ماطلته ف يوم
ب الصبر هأخده أكيد
كلمات الشاعر محمد ثروت
ليست هناك تعليقات:
إرسال تعليق