كتب الشاعر / أحمد سيد أحمد ... الحب مات ...

الحب مات
بين الأنين ..
و الذكريات
وسط السكات
ماشى ف طريق مفروش بشوك
و الناس باعوك
و لا عمرهم يوم اشتروك
لو بالفتات
الكل راسم ضحكته
عايزك تفوت
لكن بعيد عن سكته
و لو تموت
ما فى حد راح يسأل عليك
أو يشتريك
أو مرة فى الفرح يناديك
و لا اللى راح هيجى له يوم
و يعود إليك
حافظ على لحظة أمل
تحيى الأمل
و الكون هيصبح محتمل
و تغنى أجمل أغنيات
ماتقولش راح
د القلب تعبان م البكا
و من النواح
بحلم بحضن يضمنى
يمحى الجراح
للفرحة تانى يشدنى ..
و ياخدنى ليه فانسى الشقا
و القى البراح
#أحمدسيدأحمد