كتب الشاعر / عبد التواب الجارحي ¥أنا حلمي غير كل العرب ¥

أنا حلمي غير كل العرب
أنا حلمي أبسط من الخيال
مش عيب علينا نفترق
مش عيب علينا نكون بعاد
باب المودة بينغلق والكل ساكت
باب الأمومة والعروبة غير أي باب
حرام علينا كل النعم اللي إحنا فيها
حرام الغرب يزرع فينا اعشاب شيطاني

مع إننا لو كنا عصبة نبقي ملوك الاقتصاد
إحنا المباديء  والعلوم واحنا الحضارة
إحنا الأدب فى كل شيء واحنا الثقافة
بلاش نخون بعضنا من أجلهم
إحنا العرب إحنا الأصول وإحنا المواعظ
إحنا اللي سيبنا روحنا ليهم من غير حساب
وادينا بندفع الثمن قدام عنيكم
آه يا حكام العرب أين العروبة
ليه العروبة بتغتصب وقصاد عنيكم
بعد ما كُنا  إحنا الملوك وإحنا الاسياد
إحنا البترول وإحنا الزراعة وإحنا الذهب
إحنا الرجولة فى كل شيء عبر الزمان
الصورة معدش تتنظر بعد التخوين
افيقوا حكام العرب راجعوا القرار
راجعوا النفوس قبل القرار
قبل فوات الاوان
إحنا العرب
_____________________________
حلم  اليقظة
بقلم / عبدالتواب الجارحي