كتب الشاعر / إبراهيم دعبس ¥نفسي أخاصمك ¥

نفسي اخاصمكِ
🏃🏃🏃🏃🏃🏃
نفسي ليلة بجد اخاصمكِ
نفسي حتي ابقي خصمكِ
وابقي كارة مش حبيب

نفسي اهرب من عيونكِ
نفسي حتي يوم اخونكِ
و ان  ظنكِ  يوم يخيب

نفسي اركب يوم سفينتي
لأجل اهرب من مدينتي
يمكن اهزم النصيب

نفسي اهرب  يوم حنيني
نفسي اسيبكِ و تسيبيني
نفسي شمسكِ يوم تغيب

   😰😰😰😰😰😰

الف سور ما بينا  مبني
بس شوقي اللي غاصبني
و اعمل ايه انا ف الحنين

يللي خجلكِ ويا خوفكِ
مانع ان يوماتي اشوفك
او تسلم الايدين

قلبي شارب م المواجع
ماشي افتش ف الشوارع
يا حبيبتي انتي فين

لما اشوفكِ و تشوفيني
تلقي شوق الكون ف عيني
بس حظي ليه ضنين

😨😨😨😨😨😨

لو تكوني يوم نصيبي
وتقوليلي يا حبيبي
شوفت قرب البعيد

غاروا. منكِ ليه حبايبي
يا اللي ساكنة جوة قلبي
وانتي دمي ف الوريد
#الشاعر_ابراهيم_دعبس