كتب الشاعر / منتصر عبد رب النبي #مصر الحبيبة #

* * * مصر الحبيبه * * *
مصر الحبيبه الأبيه
يارب دايماً تحرسها
بلاش كلماتنا الغبيه
تدوس عليها وتكسرها
يا اللي كلامكم سم
ياريت تريحوا عقولكم
بلاش كلام كبير
إنتوا مش قده
كل واحد منكم
ف الكلام يلزم حده
هيصه وزيطه وساعة الجد
زي النعام تدفنوا راسكم
بلدي ومن حقي أغير عليها
لو مش عاجبكوا العيشه فيها
مع السلامه والقلب داعيلكم
بس على الله برا تسدوا
ماتجوش بعد سنه واتنين
حاطين ايديكوا على خدودكم
لو حد سألكوا إيه الأخبار
ترموا خيبتكم على غيركم
عيشوا ف بلدكم خافوا عليها
إبنوا بدل ما تهدوا فيها
أعدائها كتير والعين عليها
خليكم عسكرها لحراميها

* * * بقلمي
             منتصر عبد رب النبي العت * * *