كتب الشاعر / محمد الشيخ ... شوف الضحكة الهنية ...

شوف الضحكة الهنية ساعة صبحية
والراحة في قلبه كانت موجودة مغربية
وعينه فيها الأمل يجي ولو مع الدورية
وودنه بتسمع وهي بتعجن في الفجرية
وأرضه الخضرا بتقول همي يا بهية
والنورج راح والساقية كمان نور عينية
شادوف بطلناه ومذراه وزحيفة من بدرية
بدون كهربا احسن والعمدة كلمته للبرية
طوب ني لكن عنب وجميز وتوت ياصبحية
من غير ماتخبط تنده بس  يا لطفية
الخير واجد والحب زيادة وسلام بحنية
مسلم وقبطي واحد في غيط او الفجرية
يوسف وعبدالله وإبراهيم هم جرجس ويوحنا
في الموت موجود والفرح مسرور طنط تريزا وصفية
طلمبة وزير وقلة احسن وأزعق يا سعدية
بعدين نكمل وأقوم اصلي العصرية