كتب الشاعر/ فايز أهل ... هجرة عقول ...

هجرة عقول

ليه أحلامنا بتنحرق
وحتى أعمارنا بتنسرق..
..
ليه بيتركنا الشباب
والغرب بيفتح للشباب الهجرة من أوسعها باب..
..
بياخدو منا أفضل عقول
ويبنوا الحضارة على العلم وعلى أصحاب الكفاءة والأصول..
..
وإحنا بلادنا في خراب
نحيا بخراب ؛ ونسير بغاب ؛ ونخسر أكملها عقول..
..
سببها إيه المشكلة
لما نكبر ونصير شباب؛ وللمستقبل نبغي الوصول..
..
شباب تمام؛ فهم وعلام
متبهدلين؛لا في عمل؛لا في فلوس؛قاعدين بطالة على طول..
..
ولا فيش فرص
ضاع العمر وزهر الشباب؛ ولا حتى في بصيص من أمل..
..
العيب في مين
شبابنا بتفهم متعلمين؛متنورين؛المشكلة بس مفيش عمل..
..
العيب في مين
محنا بتنا محكومين برؤوس جهلاء مسيطرين؛ بيسعوا ما بينا لنشر الجهل..
..
والآخرين متربصين
ياخدو شبابنا وأفضل عقول؛ وبتسهل لهم سبل الوصول..
..
وإحنا بنهدم صرحنا
أفضل عقول ومتميزين؛ نحاربها ونفقدها الأمل..
..
يا ناس حرام نهدر عقول
أكمل عقول وأفضل عقول ؛ ونرجع لأيام الجهل.
..
وبعدها نصرخ نقول
بلادنا ليه كدا متأخرة ؛ ونحلم بماضي عزنا؛ والله حرام ومش أصول..

فايز أهل
٢٨-٩-١٩