كتب الشاعر / اسماعيل عبد الهادي ... يلا يا مصر ...

*( يلا يامصر)*
يلا يامصر هزي قلوعك
يلا  نهد  أساس الغدر
يلا يامصر لمي دموعك
قبل ما يطلع نور الفجر
ايد الغدر صابت قلبك
قتلوا ولادك ظلم وغدر
قلبي عليهم روحي فداهم
دمع عيوني نهر  وجمر
يلا يامصر خلي تاريخك
يرجع تاني ويفكرهم
عمر م دم ولادك راح
لو الف شهيد ح يحصلهم
جيشك قام ياخد بالتار
ناوين ياغالي نحسرهم
ويشوفوا الذل علي أيديهم
من كل ترابك يحصدهم
حتي المساجد
والشيخ اللي ساجد
وطفل ماسك ف ايد أبوه
علي وشه بسمه
وف أيده سبحه
طلع شهيد
واللي صلي عليه أبوه
يشهد نيلك ويا سماكي
يشهد حتي طوب الارض
حق الشهدا جوه عنينا
تارهم واجب زي الفرض
الإرهاب علي ايدنا نهايته
سوا ف الشرق أو ف الغرب
لجل المولي م يرضي علينا
نعلن ع الإرهاب الحرب
بقلمي/اسماعيل عبدالهادي