كتب الشاعر / خالد عبد المعطي .. ويعمل إيه الموج ...

و يعمل ايه الموج
لو يجرى بطول اليوم
ميلقاش شط..
..
و يعمل ايه الكحل
لو يحلم يروح النوم
و جوه عنيكى يتحط..
..
و اعمل ايه لما اكتب
و ما ترديش..
و لما أسأل
تجيبى الذنب ع الخط..
..
و اعمل ايه فى غيابك
و واقف حلمى على بابك..
..
و يعمل ايه البحر اللى غرقتيه
و يعمل ايه البدر اللى نورك فيه..
..
و تعمل ايه الحروف اللى
فى بعدك بتسأل ليه..
..
بدور ع اللى يكون زيك
و مالقتش فى جمالك قط..
..
و يعمل ايه الموج
لو يجرى بطول اليوم
ميلقاش شط..

..
#خالدعبدالمعطى