كتب الشاعر / جراح بكير $حكاية وجع $

حكاية وجع
اعترف حبيتها ايوه حبيتها وبجد
حبيتها وحبي لها كان أكبر ذنب
جرحتيني ولا همك جرحتيني
ووجعتي القلب
وسامحتك لأني بحبك
 سامحتك وبقصد
لان دي طبيعتي الإخلاص في الحب
رسمت فيك الفرحة وظنيت فيك
الحب وقتلت جوايا الشك
 وبنيت معاك احلام وصلت للسما
 ونجوم الفجر
 ظنيت و ظنيت
 وان بعض الظن إثم
اتغيرتي ولبستي توب القسوة
انت مين قولي
انت اللي حبيتها و سكنتها عيوني
انت اللي اديتها عمري وشجوني
والغدر كان ردك واسلوبك
 ولا انا بحلم يا ناس صحوني
لا مش انتي اكيد دي واحدة تانية
واليوم مش يومي
اتكبرتي و استكترتي نفسك عليا
بعتي حب السنين في ثانية
وتقولي انك مظلومة وضحية
كنت شمسك كنت ضلك وفي البرد
كما لحاف وبطانية
زرعت في قلبك مليون حب
واخدت ايه غير وجع وحزن واسية
كنت كتاب مفتوح قدامك
شوق وحب وحنية
كنت بحر غرامك شط وميه
ولأني بهواك ودي نقطة الضعف
اللي فيا
دوستي بايدك على وجعي
واتحكمتي فيا
رفعتك فوق الحب
واكتفيت بك عن كل الدنيا
كنت أرضك كنت ضلك
كنت أهلك كنت لك كل الناس
سقيتك الحنان أضعاف
ولما ارتويتي بغرور كسرتي الكأس
وتقولي كمان غلطان
ولا مرة قلت اسفة ياجراح
قلبي كان لك زهور وبستان
وكنت ليا ايه غير شوك وصبار
سجن وسجان
كنت دواكي  وقلبي طريق
تدوسي عليه وقت الألم
ولما احتجت لحبك وانا بعاني 
عنيا في عنيك و مش شيفاني
ايه اللي جرالك وايه اللي غير حالك
حلفتك بقالك قد ايه ما سألتي مالك
اقولك محتاجلك تقولي مش فضيالك
استعجلتي من بدري
مليتي وجودك ويايا ؟
يمكن بصيتي اكتر من اللازم
في مراية
او مليتي من عزفي وغنايا
فكسرتي الجيتار ونهيتي الحكاية
 وجرحتيني كتير من غير داعي ؟
وسامحتك تاني ونسيت اوجاعي
بعتي الحب اللي بينا رخيص 
بطلتي تحبيني ولا لقيتي؟
في الغرام حد تاني ؟
شربت من الصبر كاسات
لفيت كل الدروب معاه
وصبرت كما أيوب في بلواه
وحزنت كما يعقوب حتى
 ابيضت عيناه
غدرت بقلبي وهمتيني بالحب
سقتيني العسل بالسم ألوان
وانت ناوية على الهجران
نفذتي الخطة بأحكام
يا قلبك القاسي ويا قلبي الحمال
هنت عليك وما هنتي عليا ؟
مغرورة وبتحبي نفسك
وانتي اللي زعلانة 
وكمان تقولي مش غلطانة
ولا مرة تعترفي باخطائك
وتكوني ندمانة 
خليك في عنادك وفي بعدك
قسما بمن خلقك وسواكي
سأجعلك تتذكرين اسمي
حتى بعد مماتي
مش انا اللي اجري وراكي
بعدك عني قواني
وخلاني أعيد حساباتي
انا اللي كنت سندك طول الايام
صار حبك ماسخ طعمه مرار
قدام قسوتك ضاع الامل
و اتخنقت الأحلام
قلبي اللي اتغش في رقتك
صار محتار
بتتلوني كما الافعى والثعبان
وتلدغ وأنا عاطي امان
واسامح كمان وكمان
 ما انا طبعي الغفران
زاد ظلمك وجرحك للقلب الطيب
قطعتي كل الخيوط اللي بينا
قتلتي جوايا كل الكلام
كما الدبة اللي قتلت صاحبها
والاسم غرام
مكتوب علينا نعيش كده بوجعنا
والحب ينسانا وتسيل دموعنا
نتكلم ونصرخ اه
 بعلو الصوت ولا حد يسمعنا
والنصيب ساعات يروح
ولا يرجع يودعنا
والفرحة عننا بعيدة
والحزن يجمعنا
وجعي وصل للسما السابعة
اتظلمنا واتكسرنا
والقلب مات واندفن
والجسم مستني كفن
ونعش يحملنا
ازاي نشوف الضحكة
في عز وداعنا
صبرت على وجعك يا دنيا
وعمري ما قلت اشمعنا
فراقك صعب بس انا لسه عايش
انا مجروح بس تاني مش هسامح
وقلبي بايدي هداويه
و هلاقي له حبيب يكون مخلص ليه
خسارة
ملكيش في الطيب نصيب 
لا أبالي ان قتلتني ببعادك
فأنا قتلت نفسي باختيارك
هنساك والعن أيامي معك
وأن استوقفتني الذكريات
سأردد بعقلي وروحي
لا تأتي فأنا لم اعد  انتظرك
واقف انا بثبات مازلت بنفسي افتخر
وأمام شموخي
سقط كذبك وانتحر
اقتلعت هواك من الأعماق
ولا عزاء عندي
في حب قد مات
بقلمي / جراح بكير