كتبت الشاعرة/ صفاء مصطفي الخواجة ¥كفي الحرمان ¥

¥كفي الحرمان ¥
حلاوة روح وعايشينها معاك يا زمان
علي المُرة وبنقاسي مع النسيان..
دموع..محبوسة.. في عنينا
و جوه القلب مكتومة آلام وآهات !
و نسأل فين..مراسينا؟؟
وشط يضم..ليالينا!!
وليه.. موجنا.. مرسينا
علي التوهة و ع الحرمان؟
و فين شمعة أمانينا؟؟
وليه قسوة آهالينا!!
ومين عنا يحوش الآه؟
نسينا الفرح و الضحكة
و جوه اللحن و الغنوة
هموم القهرة.. تحرمنا
  شروق الصبح ويا أمان
حلاوة روح..و بنحاول
نعدي السكة و الأحزان
و نزرع.. جوه أيامنا
    زهور الحب حضنانا
     بكل حنان!!
يا بحر الغربة.. و الفُرقة
يا ريت تهدي و تنسانا
كفي..الحرمان!!
¥بقلمي/ صفاء الخواجة ¥