موسيقه كلاسيك

الجمعة، 9 أغسطس 2019

كتب الشاعر/ سيف عثمان #اضحك بئا #

..........
 اضحك بئا
ياللي ما ليك ف النقأنئا
اضحك بئا
الضحك بيخبي الشقا
بيدوب معاه
نفطه عرق فوق الجبين
نازله م الكد ع الخد
  زي الؤلؤه
اضحك بئا
.....
اهه ممزوجه بالم
ف الحلق زي الحنضله
كل الكلام لأ ونعم
الا كلام الشقيانين
حاضر نعم
ايوه من غير لألأه
.....
الضحكه الصافيه ماليه الوش
خاليه م النفاق والغش
واللقمه من غير فحفحه
مغموسه مش
مهياش ف سمنه مسأسأه
وايدين بتاكل بالدعا
صابره وحامده وشاكره
نرجع سوا بالذاكره
هما الايدين الضحكانين
من الشقا
فاضحك بئا
......
سيف عثمان
9 اغسطس 2019

ليست هناك تعليقات:

إرسال تعليق

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...