كتب الشاعر/ محمد البريمي $يا تري يا حبيبي $

أغنيه بعنوان ..
( ياترى يا حبيبى )
يا ترى يا حبيبى .. بتفكر ف مين ..

و مين شاغلك أكتر .. القلب ولا العين ..

القلب تملى مشغول .. و العين بتلاغى العين ..

و إنت يا حبيبى حيران .. م بين الإتنين ..

            يا ترى يا حبيبى ..

يا ترى يا حبيبى .. حزين ولا فرحان ..

لو سألت القلب يقول .. إنك ندمان ..

و إن سالت العين تبكى .. و الدموع شطآن ..

و إن سالت الروح  تشكى .. كان  مالى و مال النسيان ..

            يا ترى يا حبيبى ..

يا ترى يا حبيبى .. فاكر ولا ناسى ..

أنا عارف إن القلب .. كله مآسى ..

و العين صعبان عليها .. و ياما بتآسى ..

و إنت ف مركب عايزلها شراع .. عشان توصل للمراسى ..

           يا ترى يا حبيبى ..

بقلم الشاعر ..
محمد البريمى ..