كتب الشاعر/ احمد كامل الشارود $قصة $

،،،،،   قصه   ،،،،،
،،،،،،،،،،،،،،،،،،،

قصه ولا روايه
مش دى الحكايه
الحكايه إنى أكتم
خوفى جوايه
وأقول واحكى
ع إل ويايه
يا أم قومى وزغردى
إبنك دا راح شهيد
ياحلوه قومى وإفرحى
دا الليله ليله عيد
ياقدس قومى وإلبسى
ثوب الإنتفاضه جديد
وقفت صبايا تغزل
شعرها نيران
تحدف وتهتف جنود
بترمى من كل ناحيه بارود
وادى البطل واقف وماسك
نبلته ماهمه حدود
أسفين ياأقصى
أسفين يا أقصى ماهوه
أصل الوحده مش كامله
أسفين ياقدس ماهوه
اصل اللمه مش واحده
أصل الصهاينه عاملين عليكى
من كل ناحيه سدود
يا أُمه قومى وإنفضى ترابك
وكفى عن صمتك
قومى ووحدى صفوفك
وكُفى عن صمتك
يادُره راحت نظرتك للنور
فدا رايتك
ولابد يطلع نهار
يطلع ينور ظلام ليل
بالحزن بات سهران
على مسرى النبى
وخطى المسيح ومريم
بنت عمران
لا لن تموتى يا أورشليم
يا أورشليم بالوحده
راح تعودى
ويطلع عليكى الفجر
بالآذان وتجودى
ونسمع صدى الأجراس
بالآذان وتذودى
كل معتدى دنس ترابك
وتبقى فى عهد جديد

بقلمى / احمد كامل الشارود