كتب الشاعر/ عادل ياقوت $بيسعد قلبي $

بيسعد قلبى
بيسعد قلبى لقاك ....
وأبعتلك وأستناك ...
علشان أنسى الدنيا ...
وأفتكر بس ان أنا وياك
علشان أغرق ف عنيك
وأعيش اللحظة معاك ..
وأقول ياريت يطول الوقت
وأفضل هايم كدة ف هواك .
ولاما أشوفك وأحس بروحك
أسرح فيك وتاخدنى عيونك .
وأقول ازاى ف يوم أنساك ....
بيسعد قلبى لقاك ...
ويغلبنى شوقى لسلامى عليك
ولهفة إيدى على حضن إيديك .
ولاما ألقاك تغيب عنى
يسبقنى قلبى وأمشيلك ....
علشان أقابلك وأحكيلك ...
وساعات كتير أشكيلك ....
من حبى إليك وخوفى عليك ..
أخاف لا يوم تبعد عنى ...
أو يوم يبعدنى زمانى ...
ياخدنى منك أو يخطف منى أحلامى
علشان كدة أنا بستناك ...
وبحب أعيش اللحظة معاك ...
بيسعد قلبى لقاك ...
وأشوف ف عيونك أسرار ...
أتوه فيها وأنا محتار ...
وأحس إنها تركت لى أثار ...
شغلت قلبى وبقيت أفكر ليل ونهار
مرة أشوف فيها الشوق والحب
ومرة أشوف فيها الحيرة
وكلام يخطف منى القلب ....
وأدعى الرب أفضل جنبك ...
وما يحرمنى رضاك ....
بيسعد قلبى لقاك ....

كلمات/ عادل ياقوت