كتب الشاعر/ سامح ايليا $أحوال الدنيا $

موال شعبي

احوال الدنيا

سامح إيليا

يا دنيا مالك بس ومالى
حرام يا دنيا سيبينى ف حالى
كفايه اسيه يا دنيا كفايه
كفايه منك ما جرالى

طول عمرى عايش وحدانى
وانت اللى دايما واخدانى
وكل ما ابعد عنك ثانيه
الاقيكى جيتى من تانى

طب اروح فين انا يا زمانى
الدنيا تملى ملاحقانى
اضحك واقول ايام وتروح
الاقى جراحى مآلمانى

خلصت صبرى معاكى يا دنيا
فضلت صابر لآخر ثانيه
وانت دايما ظالمانى
وجراحى عندك دى امانى

ولو لقيتينى بضحك مره
تخلى حياتى لون تانى

ليه يا دنيا دانا غلبان
بقالى زمان بأمانه تعبان
بحاول اخرج م اللى انا فيه
موش لاقى معايا ولا إنسان

كل المعارف فاتونى
وكإنى من كتر جنونى
الكل بقى يهرب منى
ولا حتى عاوزين يشوفونى

طب قوليلى راح اعمل ايه
وايه العلاج ، للى انا فيه
رحت لأطبا كتير ياما
ولا حد فيهم علاجى بأيديه

يا دنيا شكوتى منك لله
على مرارى وجرح الآه
هو الواحد وليس سواه
عنده علاجى وافراحي
عنده علاجي وافراحي

سامح إيليا