كتب الشاعر/ حمادة الراوي $كله تمام $

كله تمام
كله تايه وسط الزحمه
كله بيكتب ع الجزار
علشان مره غلو اللحمه
دلوقتي نفخو الاسعار
طب يا خونا شوية رحمه
دا البنزين دا ولع نار
هاكل لقمه وحتة شحمه
داحنا زمنا الجي مرار

بتقول ايه😡
كله تمام ياسيادنا انا راضي
كله تمام والله ياسيدي
بفطر قشطه ولقمة قاضي
والجزار دا يبقي حبيبي

كله عاكس في الاشارة
ماشي عكس الاتجاه
ولما بنقول الادارة
يعني سلطه معاها جاه

كله تايه في الزحام
وكل يوم جديد في هم
احنا  موتنا   الكلام
اصل الكلام جوانا غم

كله بيضحك ع كله
حتي الضحك في المشاعر
يوم تعزه ويوم تذله
والكل يسقف يا شاعر

كله بايع كله خاين
حتي الصدق فينا ضايع
بس صدق انه باين
انه كان لهوانا بايع

كله اكتب فيها يوم
اكتب شهر او سنين
صدقني ما تكفي الهموم
والمشاعر والحنين

كله تمام صدقني جميلة
تسلم ايدك في العنوان
انا قاعد ومشاعري هزيلة
حتي القلم اليوم عيان

                حماده الراوي
٢٠١٩/٧/١٧