كتب الشاعر/ أسامه جديانه ¥ليه يا زمن ¥

ليه يازمن بتجيب معاك
الحزن وتجيني
شرفني من غير حزن
وأنا أشيلك فى نن عيني
فاكرني دايما فى الهم
وفالفرح بعيد عني
صابر على حالي
مهما تبكيني
والقلب كتير حمال
والنبض يواسيني
لو توزن  همومك جبال
ربي بيقويني
ليالي الهموم طوال
والنوم مجافيني
أفكر فى كلام ينقال
همك ينسيني
غزلت من همومك حبال
تحصد أسي سنينى
وأرميها فى الأهوال
وامسع دموع عيني
واناجي ربي المتعال
يجبرني وينجيني
ربي اللي عالم بالحال
ربي القريب مني
كافيني ذل السؤال
                         (((أسامه جديانه)))