طالب مطحون على وش جنون
رجاء حسين
=======
طالب مطحون على وش جنون
أنا طالب مطحون غلبان
في الثانوية بَقى لي زمان
أغسطس في العام الماضي
وأغسطس من قبله كمان
وأنا قاعد أحسب وأتمنى
أتمنى أفرح وأتهنى
وأحقق حلمك يا أبويا
وأدخل كليات القمة
أصل الهندسة حلم حياتي
وكانت حلم أبويا زمان
وكسر أبويا كلمة جدي
ده التعليم مش للغلبان
------------
احنا على كده برضه غلابة
لكن ممكن يمشي الحال
وأهي جمعية ورا جمعية
على بيع لغويشتين تعبان
لأجل دروسي الخصوصية
علشان يبقى المجموع مية
وقوت الأسرة طول العام
كده حبة فول على طعمية
وكله لأجل الغالي يهون
ولأجل نحقق حلم سنين
---------
أنا علمي رياضة وذكي موت
يا امتحانات في حديدك أفوت
وأخيرا --- جت الامتحانات
ومر العربي بحمد الله
قلنا ارتحنا شوية شوية
عقبال كل موادنا الجاية
من بعده تفاضل وتكامل
والرجلين وقعت في الخية
------------
وقبل المادة التالتة ما تبدأ
وقع قلبي ما بين رجلية
من خيبة تقيلة سمعناها
والعهدة عالراوي رواها
في نموذج إجابات العربي
أخطاء وتضارب وفتاوى
ووراها لغة إنجليزية
وياخوفي من المادة الجاية
دخلنا رمينا الهم ورانا
قلنا نعوض فيها شوية
لكن ها ها ها يا خيبتنا
كلمات صعبة ومش مفهومة
ومش مضمونة ترجمتنا
-------------
ضاعت يا إخواني فرحتنا
وضاع أملنا في كليتنا
والخيبة مش من ورقتنا
من ورقة عاملينها كبار
هي المرجع لنا في بيتنا
تعبت أعصابنا وهدتنا
وضاع أملنا في كليتنا
-------------
فكرت في أبويا وأسرتنا
وهمومي سبقتني لبيتنا
قعدت أعيط عالرصيف
بعيد شوية عن حتتنا
واحد ابن حلال مر علي
وقف جنبي وصدقة ناولني
بصيت له والهم قاتلني
ما تسيبني لهمي وأحزاني
لاتقول لي كاني ولا ماني
ده أنا طالب والغدر رماني
بذكائي وبتعبي سنين
خلوني أفقد إيماني
-----------------
رد علي وصوته حزين
أنت وقعت في إيدين مين
قلت أشكي والشكوى لمين
مساكين طلابنا مساكين
منكم لله ياللي في بالي
ضيعتوا لي الحلم الغالي
رجاء حسين
=======
طالب مطحون على وش جنون
أنا طالب مطحون غلبان
في الثانوية بَقى لي زمان
أغسطس في العام الماضي
وأغسطس من قبله كمان
وأنا قاعد أحسب وأتمنى
أتمنى أفرح وأتهنى
وأحقق حلمك يا أبويا
وأدخل كليات القمة
أصل الهندسة حلم حياتي
وكانت حلم أبويا زمان
وكسر أبويا كلمة جدي
ده التعليم مش للغلبان
------------
احنا على كده برضه غلابة
لكن ممكن يمشي الحال
وأهي جمعية ورا جمعية
على بيع لغويشتين تعبان
لأجل دروسي الخصوصية
علشان يبقى المجموع مية
وقوت الأسرة طول العام
كده حبة فول على طعمية
وكله لأجل الغالي يهون
ولأجل نحقق حلم سنين
---------
أنا علمي رياضة وذكي موت
يا امتحانات في حديدك أفوت
وأخيرا --- جت الامتحانات
ومر العربي بحمد الله
قلنا ارتحنا شوية شوية
عقبال كل موادنا الجاية
من بعده تفاضل وتكامل
والرجلين وقعت في الخية
------------
وقبل المادة التالتة ما تبدأ
وقع قلبي ما بين رجلية
من خيبة تقيلة سمعناها
والعهدة عالراوي رواها
في نموذج إجابات العربي
أخطاء وتضارب وفتاوى
ووراها لغة إنجليزية
وياخوفي من المادة الجاية
دخلنا رمينا الهم ورانا
قلنا نعوض فيها شوية
لكن ها ها ها يا خيبتنا
كلمات صعبة ومش مفهومة
ومش مضمونة ترجمتنا
-------------
ضاعت يا إخواني فرحتنا
وضاع أملنا في كليتنا
والخيبة مش من ورقتنا
من ورقة عاملينها كبار
هي المرجع لنا في بيتنا
تعبت أعصابنا وهدتنا
وضاع أملنا في كليتنا
-------------
فكرت في أبويا وأسرتنا
وهمومي سبقتني لبيتنا
قعدت أعيط عالرصيف
بعيد شوية عن حتتنا
واحد ابن حلال مر علي
وقف جنبي وصدقة ناولني
بصيت له والهم قاتلني
ما تسيبني لهمي وأحزاني
لاتقول لي كاني ولا ماني
ده أنا طالب والغدر رماني
بذكائي وبتعبي سنين
خلوني أفقد إيماني
-----------------
رد علي وصوته حزين
أنت وقعت في إيدين مين
قلت أشكي والشكوى لمين
مساكين طلابنا مساكين
منكم لله ياللي في بالي
ضيعتوا لي الحلم الغالي
ليست هناك تعليقات:
إرسال تعليق