كتب الشاعر/ عادل علي #لسه فاضل بينا إيه؟؟#

لسه فاضل بينا ايه ؟
تانى هندور عليه
كل شىء راح من ايدينا
احلى حلم فيه اتلاقينا
عشنا فيه بعدين صحينا
من احلى فرح
لأشد جرح
مش لاقى ليه حد يداويه
اللى راح راح منا عدى
جى ليه تعيدوا النهارده
واللى فات
بقه كله ماضى وذكريات
واللى مات ازاى هيرجع
فات زمان المعجزات
حبنا كان روح بريئه
بتضمنا
حبنا كان من زمان
اجمل حقيقه ف عمرنا
بعد شوقنا والحنين
بعد عشره دامت سنين
بقينا فين
انت وانا ؟
اللى راح راح منا عدى
جى ليه تعيدوا النهارده
واللى فات
بقه كله ماضى وذكريات
واللى مات ازاى هيرجع
فات زمان المعجزات
لسه فاضل بينا ايه ؟

         عادل علي