كتب الشاعر/ ابراهيم الحداد &قص ولصق &

نازل نسخ وقص ولصق
تسرق وتضيع فى الحق
ناسى سيادتك ياعم حرامى
أن الشعر ده راقى وسامى
طرحه جناين ورده غرامى
وعمره ما كان شاعر بالزق
بطل  نسخ وقص ولصق
ماتجرب تبدع من عقلك
صدقنى ده كتير أشرفلك
دى الكلمه لو مش من قلبك
وأنتَ سارقها وبيتهيألك
أنك كده شاعر فنان
قمة عبطك سابق جهلك
الشاعر ده مخلوق أنسان
عمره ما يحيد عن حق
بطل نسخ وقص ولصق

كلمات ابراهيم الحداد نسرالغلابه