كتب الشاعر/ فهمى محمود حجازي #أسرك علي عيني #

أسرك على عيني

شرف الشهادة على ارضك وسام  على جبيني
وان ماقدرتش  افك  اسرك اعذريني
اللي بيحموا أرضك  دول  ضيا عيني
البعاد  عن  طهر  ارضك  غصب  عني  صدقيني
وان  قدرت  أسعى ليكِ  هتلاقيني
خادم ترابك وده تاج الكرامه  فوق جبيني
 لو  بايدي كنت  أغزل كفني بايدي
عربون محبه ومهر  ليكِ وده قليل  بالنسبه ليكِ
يا أرض  طاهره  دنسوكِ  أنجاس
وعرب  باعوكِ بايد  نخاس
لو كنت اقدر اوصل اليكِ

واكون  من الحراس
واكون  حسامك راكب  حصانك
واسابق  الفراس
وأبقى شهيدك ويبقى عيدك لما بأيدي اقضي على الانجاس
بقلمى فهمى  محمود  حجازى