كتب الشاعر/ إبراهيم الحداد &نادي بنظره &

نادى بنظره حبيبى وقال
ياكاتب موال .
ياريت توصلى قلبى وصال
ده عشقك حال.
عيونه جناين ربيعيه
زهورها مرويه حنيه
ولو هقول القمر هيه
صدق من قال
ده عشقك حال .
ياريت توصلى قلبى وصال .
سلطانه تيجانها ملكيه
أميره لقلبى وعنيه
يانسماتك ياورديه
جمالها خيال وألف خيال
ده عشقك حال
ياريت توصلى قلبى وصال
أنا مفتون أنا وقلبى
وعطره هفاف بيعدى
ولو طلب الجميل ودي 
أهد جبال وأكون خيال
ده عشقك حال
ياريت توصلى قلبى وصال .
كلمات ابراهيم الحداد .نسر الغلابه.