كتب الشاعر/ وحيد أحمد إبراهيم ¥اوعي تفكر ¥

اوعى تفكر
------
هيجى يوم تعود تعتذر
لانك أكيد هتفتكر
انك هجرت قلب نادر
لامره فارق ولامره هإجر
كان مع ضى القمر يسهر
يغزلك من ضيه ستاير
خيوطها أحساس مشاعر
الحنان يضفرها ضفاير
يعطرها عبير الحب
وعشق قلب مالوش أخر
تدارى عليك من عيون
شايفاك فى احساسي مسافر
توصل تلاقى وطن حنون
يحضنك وراحتك اوامر
على بابه حارس مجنون
عشانك مع الزمن معافر
لافكر يوم انك تخون
ولاعليك ممكن يهون
ولاتكون لحبه ناكر
بأيدك قتلته دفنته
كنت بنعمته كافر
من سعادتك غاوى تهرب
بنيت حواجز وساتر
والبحر الصافى موجه اتعكر
عشان كده اوعى تفكر
ترجع وتقول مش قادر
مستحيل لو اتقطف الثمر
يعود مكانه ع الشجر
لو جريت فى الرمل البواخر
"""""""'"
وحيد احمد