كتب الأستاذ/ محمد عبد الحميد حلقة جديدة من..أنا عندي كلام و $راحة البال $

انا عندى كلام كتير
نفسى أنام من غير ما احلم .. ونفسى اصحى من غير ما افكر .. نفسى افهم بس ياريت ماستوعبش .. أبقى صاحى بس وكفايه عليا الفرجه
لكن برضه لسه بافكر .. وتعبت قوى من التفكير ..  زهقت من القلق وتعبت قوى من الناس .. من أفكارهم ومن أسرارهم ومن إللى مفكرينه جواهم محدش شايفه رغم إنه باين جدا على وشوشهم
ملَيت من الأمل فى الإصلاح ولفت انتباه الناس .. وصاحبت الألم كتير .. ولا ده نفع ولاده شفع
وكل مااحس إنى فهمت أكتشف إنى مش عارف حاجه
باكتب كل يوم لأصدقاء مش بيكلفوا نفسهم تعليق او لايك اعرف انهم بيقروا اللى باكتبه
الناس بتتغير بسرعه قوى بس عقارب ساعة الزمن بتجرى أسرع ومابين الحس والإحساس فرق كبير خالص
مين إللى صاحبك ومين إللى لسه حبيبك .. مين إللى قدرك حق قدرك وفين هو نصيبك
انا حاكتب علشانى مش علشان حد غيرى واللى يقرأ اهلا بيه واللى ميقراش اهلا بيه انا حاريح بالى واكتب لنفسى
ياه .. مكنتش اعرف إن السرحان فى البراح ده حلو قوى كده ومريح قوى كمان كده
يا سلام .. دى راحة البال دى طلعت غاليه قوى وعزيزه قوى قوى بس للى يفهم واللى ياخد باله
ولسه عندى كلام كتير

[
 ](https://www.facebook.com/ufi/reaction/profile/browser/?ft_ent_identifier=ZmVlZGJhY2s6MTIxMzg0NTcxNTQ2MDY1MQ%3D%3D&av=100000002193652)