اعزف
اعزف وقول موال
ع الاماني والسنين
احكي وقول اقوال
سمعني الناي الحزين
احكي وقول ع الحال
ع المحبة والمودة والحنين
ع اللي كان جوايا مات
واللي اصبح ذكريات
واللي عاش العمر يحلم
وهم وشوية حاجات
ولما قلت العمر يسلم
عدا قطر العمر فات
بس بردو القطر يكرم
انتظر ياما ساعات
كان وقفلي وصوته عالي
بس انا اللي كنت ناسي
كان سعتها قلبي قاسي
حتي ما شفت الكراسي
والمكان كان ليا خالي
بس عمره ما جا ف بالي
انه يمشي في يوم يسبني
كنت تستني شويا
او تعالي في يوم عاتبني
كنت عايزه يحس بيا
يشوف حنيني ذكرياتي
والدموع اللي في عنيا
ع الاماني والاغاني وحكاياتي
كنت بس المس ايديا
والجروح فيا واهاتي
يكفيها تطبطب عليا
كل الكلام اتقال
فيه الوجع ومعه انين
اعزف وقول موال
علي الاماني والسنين
عمري ما اتمنيت شمال
كنت بتمني اليمين
بس حلمي كان محال
زي ميه وفيها طين
بس انا كان عندي فال
كنت بدعي وبيقين
حتي مهما الحلم طال
هفضل ادعي وقول امين
اعزف وقول موال
ع الاماني والسنين
حماده الراوي
٢٠١٩/٧/٢٦
ليست هناك تعليقات:
إرسال تعليق