كتب الشاعر الأسطورة / طارق السيد #حلوا الفزورة #

.حلوا الفزورة
حذروا فزروا وإوعوا تهزروا
ياللي بتفهموا أطلع أنا مين
وإللي يحل فيكو الفزورة
أزوره ف مستشفى المجانين
الدور الأول عنبر ستة
قسم الفاهمين الخطرين
ياما دقت على راسي طبول
كدبة إبريل وإخوان وفلول
وثورتين على جوز حكام
وديابة الغابة وناب الغول
والسفاريت ويا العفاريت
وحوافر رجلين الخرتيت
وإللي عايم على وش الفتة
إللي ماساب حتى الفتافيت
كل شوية يلأح جتة
ياإما يزروت لنا في البيت
وفجأة ظهر عبد الجواد
واد إنما كده حتة واد
هوب رمى الكرسي على كلوب
خلى عنيهم شايفة سواد
المستلوح خلاه روح
روح لكن ماشي يطوح
من قلمين سخنين على خده
إتقلى وإتشوى وإتحشى وإتشوح
عرفتوا أنا مين ولا مافاهمين
لجل ماتبقوا من المجانين
بقلم طارق السيد
.