كتب الشاعر/ فايز أهل #هذه الدنيا #

هذه الدنيا .. قليل بتسر
كئيبة كتير. كتير .. وطعمها مر...

وغدارة؛ ودوارة ما تثبت يوم على حالة
كانوا زمان أهل واجب؛ ولبعضهم بيحبوا الخير...

واليوم. يدوب فيها .. تلاقي إثنين
متفقين في هالدنيا على الحلوة وعلى المر...

وبتدور. في أيامنا على صاحب بيتصاحب
تلاقي كتير ما يتصاحب؛ وفيها يدوب شخص بيسر...

تعيش معاه عمر طويل على الحلوة
وفجاة؛ تلاقي نفسك متعرفهوش لو بيوم صابك ضر...

أنا كنت زمان؛ وأنا في العمر لسه صغير
كان ليه. كتير أصحاب؛ تقول مية؛ أقول أكثر...

وكنت في أيها مصيبة أو حاجة
ألاقي الكل بيحاوطني ويفزع لي.. وبيخاطر...

واليوم بتلف وبتدور على صاحب
بيتصاحب. وعند الأزمة ميسيبكاش ويكون حر...

اليوم. بيكون معاك على الحلوة
وفي يوم ما يحس بحاجتك ليه ع طول بيفر...

فما تصاحب غير أصيل ومتربي
يكون أخلاق؛ وصاحب دين؛ ويوم الحاجة تلاقية حر...

غريبة يا دنيا وغرورة
إذا إتفقت مصالحنا بقينا أصحاب طول العمر...

دنيا تغر فيها الضر وفيها المر
واذا إختلفت مصالحنا ميعرفكاش يدير لك ضهر...

يا ريت نرجع لماضي زمان
كان الكل فيه إخوة بيتقاسموا بينهم الحلوة وكمان المر.

  فايز أهل 
                                                  22-7-19