كتب الشاعر/ بهاء اللبودي @بلدنا @

_أصبح بلدنا بلد وسطات
فيها المواطن متسوح !
_وكل يوم عقله ف خلاط 
يدور فسكة ما بتروّح
"ويتوه فثانية" !
....
*قصدك بلدنا بلد إحباط
لكل حد بيستصلح ؟
*بيبقى أرخص م السجاد
لحظة مايبلي ويتطوح
"ويغور فداهية" ؟
.....
_ لا طبعا دا مش قصدي ! 😉

* أومال قصدك ايه ؟
.....
_قصدي ان بكره العدل يبان
مين اللي خاين مين أفسد
مين اللي جرّحْ ف الأوطان
وكل همه انه يبدد
"من خير بلدنا"

_وأقصد بلدنا بلد أقدار
نؤمن بربنا ونوحد
ونصبر أكتر م الصبار
وكل حبة ما نتعهد
"ل نصون ولادنا"

#بهاء_اللبودى