كتب الشاعر/ محمد عناني &يا مصر يا غالية &

يا مصر يا غاليه ( بقلمى والصورة من أعمالى )

==========================

يا مصر يا أمنا يا عزيزه يا غاليه

يا صاحبة الهامه فوق ف السما عاليه

ياللى تراب أرضك مش تراب .. حنه

والميه من نيلك أساسها فى الجَنه

انتى ما بين الأمم موجوده عَ القِمَه

إسمك لواحده تاريخ معروف وليه رَنه

وإنتى أصل الحضاره والعالمين شاهده

وأما عن شعبك الطِيبه فيه زَايده

أصيل وطبعه الكرم مشهور وليه بصمه

ومن صفاته الشجاعه و رجوله فيه نخوه

تِلقاه فى ساعة الجد فى منتهى القوه

وأما وقت الخطر مارد مالوش قُدره

عاشق تراب الوطن بِجد مش كلمه

واقف ورا جيشه أقوى من الصَخره

وبروحه يِنسج بُطُوله حروفها ليه غِنوه

وأما عن جِيشك أمجاده دى قِصَه

صَاَين حدود الوطن بعزم وبهمه

كما الأسود ع العِدَاَ ماعندهوش رَحمه

عَنده الإيمان بالله عَقيده ليه ثابته

ما يكون ف يوم مُعتدى إلا على الفَجَرَه

على كلاب النار تشوفه نار قَاَيده

تاجروا بكلام الله بعقولهم الفاسده

أحلو سفك الدماء لا عهد ولا ذِمه

فرقوا الجماعات بين شِيعه أو سُنَه

نشروا سموم الفكر وسلاحهم الفتنه

مع إن أصل الدين لله وليه حِكمه

أرسل كِتير أنبيا للناس وبالكلمه

منهم نبينا الزين للعالمين رَحمه

جَاَنَا بكتاب ربنا ومعَاَه كمان سُنَه

تِلقا أمور الدين والدنيا فيه واضحه

يارب تِحفظ بلادى وسائر الأمه

تِجمع ما بين القلوب وتوحد الكلمه

====================

( محمـد عنانى )