(ممر الآخرة)
يحصل زي ما يحصل
وقت ما يحصل يحصل
إيه هيهمك إيه
لو فجأة إتغير حالك
لو راح جاهك أو مالك
إضربها طبنجة يا بيه
الدنيا دي ما بتستاهل
مابتديش بالساهل
و إن تاخد منها ..تعوز
واللي ما ياخد منها
ويجري ويبعد عنها
في الآخرة يابيه بيفوز
شابة في عز عجزها
صورة في تلافيف بروازها
مسرح وإنت الأراجوز
والصورة وفيها الزهوة
والمسرح فيه اللهوة
والوقت دا فرقع لوز
فرفش بقى مايهمك
إلا الشئ اللي يهمك
واللي يهمك أعمالك
والأعمال بالنيات
وخشوعك في الصلوات
هو وبس اللي أبقالك
إعمل بس إللي عليك
وإياك دنياك تلهيك
خليك دايما لله
دنيتنا ياعبده ممر
والمر فيه منه أمر
والبر في طاعة الله
بقلم طارق السيد
ليست هناك تعليقات:
إرسال تعليق