كتب الشاعر/ فهمى محمود حجازي ¥رسالة من حبيب سافر ¥

رسالة من حبيب سافر
                          (١)
مهما طال  البعاد قلبي
 سكن عندك
وان كان  غيابى طال  مسيرى هارجعلك
وارسم حروف الغرام وانقشها على قلبك
واعوض الحرمان واشبع من حنان قربك
واكيد لك  العزال  واسعد بالغرام جنبك
سافر الجسد لبعيد لكن الفؤاد عندك
واسأل عليا  القمر يوماتي باسهرلك
اناجي قمر الليل يمكن يوصلك
عشقي وسهد الليل ياما  نفسي يوصلك
ويسهر  معاك  الليل ويصبر فى  البعاد قلبك
وان كان  بعادي طال  مسيرى هارجعلك

       (٢)  اناراجع

خلاص  انا  راجع صعب البعاد  عنك
عذابى طال فى البعاد وقلب  مشتاقلك
الغربة طالت  والفراق ياعذابى انا ف  بعدك
وان كان البعاد  فيه مال  يغور  المال وكفاية اكون جنبك
من بكره اشد  الرحيل واكون  هنا ك عندك

           (٣) راجع

وانا ف طريق  الرجوع قلبي سبق  ووصل لك
ومشيت  ولا المجنون وكأني مسحور بك
ماشي ف طريق مزحوم ومش لاقي غير صورتك
فى كل مكان  باروح ولساني عليه  سيرتك
ماشى ولا  المجنون وهدفي اكون عندك
غايب مانيش فى الكون وتركيزى فى ملامحك
ماشي ولا  المجنون وب اهذي كمان  ب اسمك
بقلمى فهمى محمود حجازى