كتب الشاعر/ عمر بنحيدي... $الديب جاي $

الديب جاي يتختل
للطريق عارف
ملهوف  يلغف
لعسل اللي ف. السطل.
وشحال من سطل وسطل
تلغف حسي مسي
وحنا حالين  فمنا ف.ميسي
مني فقنا من الgلبة
حسينا  بالتقولبة
لقيناهم دارو ميسا
مابقاو سطولة
من غيرنا .
إيه حنا هما السطولة
يعمرونا
وما نتقرقبو
يخويونا
ويتكركبو.

ياحسرة عل أهل  لعلم
يا كبدي على  اوستاذ
شبع عصا شبع  عgاد
ماشي هو المشعل؟
لقلم  قنديل
يقهر  ظلام الليل
لكن هجمت  اللحية
على لكباد بلا حيا
راهم مغاربة مغاربة
حقوقهم  مضمونة 
ف.الدستور بلا مضاربة
علاش تكون مغبونة
اللحية كانت  قناع
لمخبي شاع وذ

اع.
أللحية ؟؟؟
وجهك هاداك ولا  gفا
على الشعب حالفا
أش من وجه ليك   بقى
للتخريب  أنت  السابقة
من نظام التقاعد المشؤوم
لعقود التعاقد المذموم
ليك الله يا مظلوم
يا اللي من حقو محروم
وبحب وطنو مغروم
يا ناس  العلم هو الأساس
مابغينا رباع  ولا خماس
ولا واحد عساس
موالف الشخير والنعاس
بغينيا النور ف. الراس
يخرج الذهب من النحاس
يزيد بلبلاد لقدام بلا عكاس