كتب الشاعر/ محمد البريمي... %صرخة عربي %

صرخة عربى ..
يا غزة ليه مظلومه .. م العرب و الكفار ..

كل يوم قايده .. ف بيوت الأحبه نار ..

هو إنتِ مش عربيه .. ولا إنتِ وصمه عار ..

الكل شايل إيده .. ولا فيش أى قرار ..

          يا غزه ليه مظلمومه ..

ف الكلام شطار .. أما الفعل مفيش ..

فين صلاح الدين .. و فرسان الدراويش ..

مسير النصر جاى .. يا غزه ما تقلقيش ..

 حقك علينا كلنا .. حقك ما يتنسيش ..

           يا غزه ليه مظلومه ..

من يومك و إنتِ

صابره .. و شايله الحمول ..

كل يوم شهيد .. ع الأعناق محمول .

ونا مصرى غيور .. ونفسى أموت مقتول ..

دا واجب عليا .. ما أهربش من الأصول ..

          يا غزه ليه مظلومه ..

محسوبه علينا والله .. ليوم الدين ..

أهلك دول حبايبنا .. و إخواتنا ف الدين

و الأقصى يجمعنا .. ثالث الحرمين ..

له حق علينا .. يا عرب يا مسلمين .

           يا غزه ليه مظلومه ..

بقلم الشاعر .. أمير الشعراء الشعراء ..
محمد البريمى ..
.