كتب الشاعر/عبد الحميد سالم..*أم الشهيد *

( أم شهيد ) م/عبالحميد سالم
وكان دايما تيلفونه يصحينى من النجمة
ويقول ادعيلنا يا غالية ف كل صلاة
أنا وزمايلى وافقين انتباه ف الخدمة
بنحارب إرهاب غاشم دول كتير دعماه
رافع شعار دينه ولا عنده دين ولا ذمة
وخلاص قريب هنمحيه هوا واللى وراه
وسينا هتبقى مقبرتهم بعزيمتنا والهمة
لكنى زعلان يا أمى لأنى خلاص بقيت رديف
ومتحققش حلمى اللى طول عمرى باتمناه
نزيل عن مصرنا الغمة وشهادة ف سبيل الله
*****
طب ليه النهاردة ياولدى تيلفونك مبيرنش
هوا الحلم حقيقة دنا لسة شايفاك ف الجنة
وحور العين بيزفوك ودمك ف أيديهم الحنة
ازعرد ولا أبكى يا ضنايا والله م انا  عارفة
فجأة رن تيلفونك لكن الصوت مهوش صوتك
 إوعاك تبكى يا ولدى ومتقوليش ولا كلمة
انا كنت معاه ف فرحه وعارفة إن مكانه بعيد
وانا ست مؤمنة بقدر الله وصابرة ومحتسبة
ودم الشهيد تاركم وبعزيمتكم  هتاخدوه أكيد
وكفيانى فخر كأى مصرية إن لقبى يبقى أم شهيد
 وتفضل راية مصرنا الغالية مرفوعة بإذن الله